GEGURITAN

ini dia contoh GEGURITAN ala Banyumasan.....



JAJAN PASAR

akeh tunggale gampang goletane,
abang,ijo, kuning rupane,
mung kari milih sesenenge,,
sing adol pinter pisan tawane
sing tuku ora gelem kalah ngenyange,

siki wis lagi jamane,,
bakule pada ider pating kliwer,,
sing tuku kudu pinter
aja kasih keblinger
mergane akeh wong lagi pada keder

kabeh ketone mengini
gurih,,,enak,, tur legi,,,
apa iya ? Jajal si nyicipi,,,
aja kaget,, aja gumun,, apa maning wedi,,
tapi kudu tliti, aja asal milih,,
mung mergane lagi ngelih...


Banjarnegara, 26 Oktober 2013
Warsono S.Pd




KEMBANG LAMBE


Jare kae anu kaya kiye,,
Jare kiye anu kaya kae,,
Kembang lambe amba epere
Kembang lambe dawa gagange

Kabeh-kabeh rebut benere,,
Akeh bumbune sengsaya buket critane,,
Kembang lambe amba epere
Kembang lambe dawa gagange,,

Maune a dadi b,, ora mokal malik c
Ngetan ngulon nggo sangu ngendhong,,
Kembang lambe amba epere,,
Kembang lambe dawa gagange,,,

Kembang gula, kembang lambe,,
Gawe gela angel tambane
Kembang gula, kembang lambe,
Nek wis lara suwe marine,,

Kembang gula , kembang lambe
Urip prasaja akeh kancane,,
Kembang gula, kembang lambe,,
Becik blaka ayem atine,,,



Banjarnegara, 26 Oktober 2013
Warsono, S.Pd